როგორ გავრეცხოთ ალაო მარტივად სახლის პირობებში

წინამდებარე პოსტი არის დამწყები ლუდისმხარშველებისთვის, რომლებსაც ან საერთოდ არ აქვთ ლუდის ხარშვის გამოცდილება, ან მხოლოდ ექსტრაქტების საშუალებით დაუყენებიათ ლუდი. აღნიშნული მეთოდით თქვენ ძალიან მარტივად შეძლებთ გარეცხოთ ალაო სახლის პირობებში და უარი თქვათ ლუდის ხარშვის დროს ექსტრაქტების გამოყენებაზე. სტანდარტული მეთოდისგან განსხვავებით, წინამდებარე მეთოდით ალაოს გარეცხვას მოახერხებთ სწრაფად და რაიმე სპეციალური აღჭურვილობის გარეშე. 

12 სასარგებლო რჩევა ლუდის საფუართან დაკავშირებით

საფუარის რეჰიდრატაცია

1. იმ შემთხვევაში, თუ მშრალ საფუარს იყენებთ, საჭიროა მისი რეჰიდრატაცია. ამისათვის საფუარი უნდა ჩავალბოთ 38 გრადუს ცელსიუს წყალში 15-30 წუთით. გაითვალისწინეთ, რომ გარემო უნდა იყოს სტერილური, წყალი გადადუღებული და ჭურჭელი უნდა იყოს თავდახურული.

ლუდის საფუარის ცხოვრებისეული გზა - ნაწილი მეორე

სხვადასხვა სახის საფუარი

როგორც გახსოვთ, წინა პოსტში ვისაუბრეთ იმაზე, თუ რა არის საჭირო საფუარის ჯანსაღი განვითარებისთვის და გამრავლებისთვის. რაც შეეხება წინამდებარე პოსტს, დღეს ვისაუბრებ იმ საფეხურებზე, რასაც საფუარი გადის ალაოს ნახარშში მოხვედრის შემდეგ. გარდა ამისა, მესამე ნაწილში დავწერ პრაქტიკულ რჩევებს, რას უნდა მივაქციოთ ყურადღება ფერმენტაციის დროს, რათა შედეგად მივიღოთ კარგი ლუდი.

ლუდის საფუარის ცხოვრებისეული გზა - ნაწილი პირველი

ლუდის საფუარი მიკროსკოპის ქვეშ

ლუდის საფუარზე ზოგადად წინა პოსტებშიც ვისაუბრეთ, თუმცა წინამდებარე პოსტში უფრო დეტალურად შევეხები მას. დღეს ვისაუბრებ იმაზე, თუ რა გზას გადის ლუდის საფუარი ალაოს ნახარშში მოხვედრიდან სითხის ლუდად ქცევამდე. გარდა ამისა, შევეხები აგრეთვე საფუარის ცხოვრების სხვადასხვა პერიოდებს და დავწერ მოკლე რჩევებს, რას უნდა მივაქციოთ ყურადღება ლუდის ფერმენტაციის დროს.

როგორ მოვხარშოთ ლუდი სახლის პირობებში ალაოს ექსტრაქტით

ხორბლის ლუდი

აღნიშნული პოსტი განკუთვნილია დამწყებთათვის, რომელთაც ჯერჯერობით ლუდის ხარშვის გამოცდილება არ აქვთ. ხსენებული რეცეპტის საშუალებით თქვენ შეძლებთ სახლის პირობებში ძალიან მარტივად მოხარშოთ თქვენი პირველი ლუდი. 

ყველაფერი ალაოს შესახებ

ალაო

დღევანდელი პოსტი შეეხება ლუდის ერთ-ერთ უმთავრეს კომპონენტს - ალაოს. როგორც წინა პოსტებში ითქვა, ალაო წარმოადგენს გაღვივებულ და შემდეგ გამომშრალ ქერის მარცვლებს. გაღვივების შედეგად ქერის მარცვლებში გროვდება შაქარი, რომელიც შემდგომ ფერმენტაციისას გარდაიქმნება ალკოჰოლად. დღევანდელ პოსტში მხოლოდ ალაოზე ვისაუბრებ და მისი დამზადების პროცესს მომავალში განვიხილავ.

სვია და სიმწარის ერთეულის საერთაშორისო შკალა (IBU)

სვია

დღევანდელ პოსტში უფრო დაწვრილებით ვისაუბრებ სვიის შესახებ. ასევე შევეხები სიმწარის საერთაშორისო ერთეულის შკალას და გასწავლით მეთოდს, რომლის მეშვეობითაც მიახლოებით შეძლებთ განსაზღვროთ, თუ რა სიმწარის იქნება თქვენს მიერ მოხარშული ლუდი.

Hop Head - ბარი ბრიტანული არომატით

Hop Head-ის ლოგო

                                     
სულ ცოტა ხნის წინ ვაკის პარკის მოპირდაპირე მხარეს, ჭავჭავაძის 41 ნომერში გაიხსნა ძალიან კარგი ბარი სახელად Hop Head. აღნიშნულ ბარში შეგიძლიათ დააგემოვნოთ საქართველოში მოხარშული ათზე მეტი სახეობის კრაფტის ლუდი, რომელსაც Krik Brewing co. ხარშავს. მიუხედავად იმისა რომ კრიკის კრაფტის ლუდს დიდი ხანია ვიცნობ და პოზიტიურად ვარ მის მიმართ განწყობილი, მხოლოდ რამდენიმე დღის წინ მქონდა ბედნიერება მომენახულებინა ბარი და მინდა ჩემი შთაბეჭდილება გაგიზიაროთ.

ლაგერები და ელები

არსებობს ლუდის ორი კატეგორია, სხვა დანარჩენი ლუდები წარმოადგენენ ამ ორი კატეგორიის ქვეკატეგორიებს. ეს ორი კატეგორიაა ელები და ლაგერები. მთავარი განსხვავება ამ ორ კატეგორიას შორის არის ფერმენტაციის პროცესი. ელის ფერმენტაციას ესაჭიროება სითბო და სითბოსმოყვარული საფუარი (10-25 გრადუსი ცელსიუსით). ფერმენტაციის შემდგომ ელისთვის განკუთვნილი საფუარი იწევს მაღლა ქაფის სახით. ფერმენტაციის დრო შედარებით ნაკლებია.

ლუდი და მისი შემადგენელი კომპონენტები

ლუდის ისტორია ცივილიზაციასთან ერთად იწყება და ცივილიზაციასთან ერთად დასრულდება. პირველი ლუდი შუამდინარეთში მოიხარშა და მას შემდეგ უხალისებს ლუდის გურმანებს განწყობას. ამასთან, საუკუნეებს განმავლობაში ლუდი ერთ-ერთი ყველაზე უსაფრთხო სასმელი იყო წყურვილის მოსაკლავად, თუ გავითვალისწინებთ იმას, რომ სუფთა წყალზე ხელი ერთეულებს თუ მიუწვდებოდა. აქედან გამომდინარე, ლუდს ბავშვებიც კი სვამდნენ.

ლუდი შედგება 4 ძირითადი კომპონენტისაგან, თუმცა რიგ შემთხვევაში ხდება თაფლის, ყავის ან ხილის დამატებაც არომატისთვის. ეს 4 კომპონენტია წყალი, ალაო, სვია და საფუარი.